Berrikuntza eraldaketa-motor gisa ulertzen dugu. Teknologiak eta tresnak aplikatzeaz gain, talentuaren, ezagutzaren eta arazoak modu sortzaile eta proaktiboan konpontzearen aldeko apustua egiten dugu etengabe, gizarte-eragile guztiekin aliantzak eta lankidetza sustatuz.

Berrikuntza eta eraldaketa digitala aliatu handiak dira uraren kudeaketak gaur egungoa bezalako klima-aldaketaren testuinguruan planteatzen dituen erronkei heltzeko; izan ere, testuinguru horrek muturreko fenomenoekiko gure kalteberatasuna handitzen du, hala nola lehorteekikoa, uholdeekikoa eta ur-eskasiarekikoa. Etengabeko berrikuntza aplikatzen dugu uraren gure kudeaketan, eta konponbide berriak bilatzen ditugu eragiketak optimizatzeko, baliabide naturalak babesteko eta, azken batean, gure bezeroei zerbitzu hobea eskaintzeko.

Etengabeko berrikuntza eta apustu digitala kudeaketa efizienterako, baliabide hidrikoen jasangarritasunerako eta herritarrei zerbitzua emateko

Adibide argi bat urruneko ur-kontagailua irakurtzeko aukera ematen duen teleirakurketa-zerbitzua da. Zerbitzu honek edozein unetan ur-kontsumoa ezagutzeko aukera ematen du, ihesak detektatzekoa, bai eta bezeroari posta elektronikoz abisatzen dion alarma-sistema bat aktibatzeko aukera ere, ohikoa baino gehiago kontsumituz gero. 

Ziur gaude konponbide berritzaileak sortzeko modurik onena lankidetza publiko-pribatuaren bidez egitea dela, barneko eta kanpoko talentua integratuz eta eragile, enpresa, erakunde eta administrazioen ahaleginak bateratuz, bai toki-mailan, bai estatu-mailan.